राम कुमार राइ
देम मुम नुछे मोन्लेका ङा
अमुन्मिन नुछे मोन्लेका ङे
काचि कामुआ मुमाओ मुमा
मान्मुकादाना आबाना चाबा ।
रङ्रि कामुआ रङ्रिङा मुयाङ
मान्मुकादाना अखान्नुमा खो ङे
निम़नाआ मुओ काचि खान्अत्लो
आन्केन छे नुकाचि पुङ्मादोरा ।
यावाओ अदेङ टेट्टुम्कि अनुनिन
आन्केन छे लाम तित्मा चिन्मान्चिनदोरा
यावाआ मुङुओ काचि मान्खोप नालो
देत्नि मुमाओ लाम खाङ मेत्मादोरा ।
यङ्मा ए चानु काचि मुमाना चात्लो मु
खाङ्मा ए खान्नु मुमा योक्दा चाअत
यावाआ मुओ काचिदा हान्मा सोज्जे
माङ्लो वात्नि चमा नि खाङ मुमादोत ।
अङ्का मुङ्ने नि कायङ निपाङ
झाराक्सा आन्केनङा फासुम्ने
नु काचि दिओ साङ्आ पुङ्सुओ
छुकदा छुक फाङ्सा झाराक तोङिन्ने ।
अक भोम लिसिन्लो आन्केन ङा
आन्को नि मिन्माकि खारु चङ्मादोत
यावाछाआ मुङुओ काचि आन्कोङा
साङ्आ खाउ निमनाआ ममेत्पओ ।
हतुवागढि २, बाकबुक, भोजपुर
