नेपाल प्रग्या–प्रतिस्थान यलाखोमदा गइर आवासिय नेपालि संघ, निहाङ्होन दुम टोङ्खायु भुङ्ओ य़ङ छाप्स़ङ्क कि नेपाल प्रग्या–प्रतिस्ठानानेन तोङ्मायुदा खालाक्ओ मामाय़ङ्चिदा सालाम लुमा काचिपेन लिसायुङ्सा ।
पुक्सुमि २३ लेन्टा लिसाओ मो काचिपेन गइर आवासीय नेपालि संघओ २२ अउ एम्मायुओ योक्दा बुत्मा लिसाओ युङाङा । मो काचिपेनओ ढितावाङ प्रतिस्ठानाओ टायाकोप्मिटाङ भुपाल राइ मयुङाङा । एनआरएनए आइसिसि ढुवाटाङ महेसकुमार सेरेस्ठ चुक ढितावाङ मयुङा ङा नालो एनआरएनए आइसिसि चुक ढुवाटाङ कि य़ङ छाप्स़ङ्क भुङ्ओ ढुवाटाङ विस्वास दिप तिगेलाओ लामतितदा काचिपेन लिसाओ युङाङा ।
काचिपेन पुङ्मायु काचि ढितावाङ टायाकोप्मिटाङ भुपाल राइ कि चुक ढितावाङ महेसकुमार सेरेस्ठआ अक्ढुवा ओङ्मित अओङ्साचुकि अमुवाचुओ युङाङा । मो योक्दा ढितावाङ राइआ झाराक मामाय़ङ्चिदा सालाम लुमा दुम्आ नेपालिचिओ ङायुवा दाराओ मिचिऩङ युङ्मा लिसाओ युङाङा । एनआरएनए ढुवाटाङ महेसकुमार सेरेस्ठआ य़ङ्ओ दुमदा झाराक ढिमिन्मा लिमादोत ओन्कि निहाङ्होनदा नेपालि छाचिआ अचु मामाय़ङ अमान्खान्याङओ दुम खा लुमा लिसाओ युङाङा । खोसाआ जापानदा नेपालि छाचि चिन्माचि निम्पाङ दुङ १ दाङ्का १२ तारि नेपालि तायाखिम एम्साकि तुङ्याङ्ओ दुम खा लुमा लिसाओ युङाङा ।
मो योक्दा एनआरएनएओ मेछाछा ढुवाटाङ रस्मि कालि थापा कि बुयाओ ढिछाप्कामि जानकि गुरुङआ छाङ मिचिऩङ दुम चेप्मा लिसाओ युङाङा ।
काचिपेनदा प्रग्या–प्रतिस्ठानाओ सालुम्स़ङ छाप्कामि डा. धनप्रसाद सुवेदिआ झाराक निम्पाङ सायाटुप मुमा लिसाओ युङाङा । प्रतिस्ठानाओ छाप्स़ङ्क (मामाय़ङ) भुङ्ओ ढुवाटाङ राजन मुकारुङआ झाराक निम्पाङ आलाङ्ने प़मा लिसाओ युङाङा ।
पदमआ बान्तावादा सालाम लु
मो योक्दा झाराक ५७ कापाङ्आ सालाम लुमा लिसाओ युङाङा । ३२ कापाङ्आ पानिवाङ कि खालाक्ओ मामाय़ङ्दा २५ कापाङ्आ सालाम लुमा लिसाओ युङाङा । बुङ्वाखा टोङ्कामि पदम राइआ बान्तावा य़ङ्दा ‘हतुवा’ अछोङ्ओ सालाम लुओ युङाङा ।
सालाम लुमायु काचिपेनदा विसाल नाल्बो, मिथोज सुनुवार, मिमबहादुर परियार, सोझो गाउँले, रमेस पउडेल, विमला तुम्खेवा, सिर्जना सरोवर, मनोज नेउपाने, मनिराज सिंह, अन्जु राजवंसि, ओमकृस्न सेरेस्ठ, जगत वासिस्ठ, जनक रसिक, गनेस वाम्बुले राइ, डम्बर थामि, निमेस आङ्देम्बे, पेम्बा गेलु सेर्पा, भुमिका थारु, राकेसबहादुर बुढामगर, जोगबहादुर बुढामगर, सर्मिला रानाथारु, सोभा सुनुवार, रचना मोक्तान, स्नेहा झा, आलोक तिवारि कि मनु ठाडामगर मयुङाङा । मोहा ङा मनि लोहनि, सन्ध्या पहाडि, देवेन्द्र खापुङ, राधिका कल्पित, विजय हितान, डा. गोविन्दमान सिंह कार्कि, तिर्थराज भट्ट, योगराज राजन, रितेस तिरपाठि, विमला गुरुङ, प्रगति राइ (चाम्लिङ), प्रकृति थारु, सिलाखा वाम्बुले, जर्नादन अधिकारि, रविन्द्र आसिस, जायस जया, सङ्गिता कालि, ससिसिरि आचार्य, चेतनाथ धमला, सनि लिम्बु, उत्तम तुम्सा, स्वप्निल स्मृति, सुनिल आङ्बो, मिरा सेरेस्ठ, जमुना पउडेल, कर्न दयाल, रस्मि रिमाल, सुसिला निनाम राइ, निरन्ता तुम्बापो, दिपा लक्सम, सिता तुम्खेवा, डोल्मा सेर्पा, दसिराम थारु, पर्सुराम थारु कि मुक्तिबाबु रेग्मिआ सालाम लुमा लिसाओ युङाङा ।
काचिपेन य़ङ छाप्सङ्क
भुङओ सालुम्स़ङ अमित थेबेआ तुङ्सुओ युङाङा ।
