जिडि राइ/ललितपुर
खाराओ वाचुङ १४ पुलेन लेन्टा किरात राइ बान्तावा खिम ललितपुर ढिसाप्टेनुवाआ कोप्मा लिसाओ काचिहुप चिन्मायु कि यायोक्खाम काचिपेन नुलोक चोङ्लो कोप्मा लिसायुङ्सा ।
मो काचिपेन खिमओ ढुवाटाङ मनिराज राइओ लामतितदा लिसाओ युङाङा । किराबा खिम अचोम्ला काचिपेनओ सालुम्स़ङ सुसिल बान्तावा ढितावाङ मयुङाङा । तावाङ्चिदा किराबा खिम अचोम्ला सालुम्स़ङ भक्तबहादुर राइ, किराबा खिम बागमतिओ ढुवाटाङ नारायनप्रसाद राइ कि बुङ्वाखा टोङ्कामि पदम राइ मयुङाङा ।
काचिपेनदा किराबा खिम ललितपुराआ नुलोक चङ्लो काचिपेन बुत्तुओ नु योक्दा ढितावाङ सुसिल बान्तावाआ आलाङ्ने प़मा लिसाओ युङाङा ।
बान्तावा य़ङ चिन्मायु काचिपेन
मो योक्दा बान्तावा य़ङ चिन्मायु काचिपेन छाङ लिसाओ युङाङा । मो चिन्मायु काचि बुङ्वाखा टोङ्कामि कि य़ङ्तोङ्हाङ पदम वालाहाङ राइआ मुओ युङाङा । मो योक्दा ललितपुरादाओ २० कापाङ लेका किरावाचिआ भागा लाप्मा लिसाओ युङाङा । पदम राइआ बान्तावा य़ङओ पुङ्मायु दुम कात्मायु देत्नि मुयाङ निकि सिन्मेत मुमा लिसाओ युङाङा । चिन्मायु काचि बुया खोसाआ झाराकओ पाछा सेन्मा लिसाओ युङाङा ।
‘हानदाङ्का असोन-सोन वाको काचिपेन मुयाङ्सा खात्मादोत । मो तखात्तुम नालो बुङ्वाखाआ फामा लि,’ चिन्मायु देङदा पदम राइआ काचिपेन बुत्कावाचि लोमा लिसाओ युङाङा ।
काचिपेन देङ्दा सान्दिवा पदम राइओ सायाचोङ मेत्मा लिसाओ युङाङा । छाप्कामि दिलिपकुमार राइआ काचि तुङ्सुओ याआङा ।
किराबा खिम ललितपुराओ काचिहुप-
१. ढिवाटाङ- मनिराज राइ
२. चुक ढिवाटाङ- चन्द्रकुमार राइ
३. छाप्कामि- दिलिपकुमार राइ
४. चुक छाप्कामि- घनस्याम राइ
५. छेन्बिहाङ्मा- भुमिका राइ
सालुम्सङचि :-
६. रविन्द्रनाथ राइ
७. राजेस राइ
८. संजय राइ
९. रन्जिता राइ
१०. जिडि राइ ।
