सिरिसिसा राइ
अङ मक्चि छोरुबात्तुचि
अङ टाङ टुक्मा पुङसु
अङ लाङ्चि योक्टुदोचि
थानकोट कप्तुबेन अङ सालाम
पेसोला मेत्तु लोत्तु
छाप्मासिवाचि ताम्मादिमा अपुक ।
मान्बुत्माङ
टुप्लुक्क कातालापा तावाङ
नि लोङु यलाखोमआ अङ सालाम निम्पाङ
खिमदा छा छित्दासा
पुतलिसडकओ बारिदा फान्टा हुङ याक्याङओ
सोज्जेओ कामेच्छा पाक्मा नि मिन
खामाइसिन धरहरा अछुक कक्याङसा ङे यङ–
‘ह़क, चाअ्वा मान्तोङ वाट्नि दात्याङ
बाना, अङ बोक्छोङदा युङा…।’
मना बुदा एम्सुकि
अङ सालामओ अखान्नुमाचिओ
नुयङ लु यलाखोम
नुयङचि चिलोक–चिलोक
ठमेल डिस्कोदाओ खामाइसिन छामदा मलिम्नान्चिन
अकोङ अत्याङओ स्वयम्भु मकओ चकदा अङ सालामआ
कोन्मा–कोन्मादा अङालङ डिप्मा दोत्याङ
नुकालुचिओ चकदाङकाङा अङ सालाम
माखारायुङसा
पेन्ड्राइभदाङ्का तात्मायङओ सालामआ कोङतु खाइसुयुङसु
निम़ना सालाम काछोपाओ अहेप्मादा तुक्तान्चिनओ
अङ छाप्मायुचि खिप्तुङचङ छाप्लावादा
देम्खालो अखाङमा फेरा मुनान्चिनकि अङ सालाम
रत्नपार्क जुलुसदा होन्नान्चिन
चोङ वात
कङचिलापदा छाप्चु सित्तुकि छुक मोक
हाङहोन खिमदा फायलचिओ भोमदा छेक्ताओ
सुकुम्बासिचिओ छाप्लायुहान वाट्निओ
टोङकामिओ बेखादा खुम्चे लिसाओ युङ्याङ अङ सालाम
इमेल इन्बक्स हुत्दा खाट्निओ खाट्नि
भाइरसओ बार्दलिदा कङ युङ्याङ
थानकोट कप्तुओ वेन अङ सालामआ
सुलिकोट मान्तुकेसु युङसु
आन्चाउ सुन्तले सोम्तुकओ बुसुयङरि
तिरबेनि सोम्तुकओ साकेन्वा,
झाराक मान्तु खाइसुङुचि
लाबान
हान लाबान अङ सालाम
आप्पिओ टेन लाबान
हान लोन्मा अदोत्निन खाक्को टोङकामिआछे अङ सालाम
एन्मा माआङ अङका एन्चेप्लादा सोम्तुक्माओ मामाखात्मा
ढाम्मान्चिन माआङ अङ्का फेसबुकदा लेङखात्सा
आप्पिओ यङ, थाप्स़ङ ओन्कि बोब्बिभुङआ बने लिसाओ
अक फोक्टा सङ्घियता वाट्निओ
अक तेत सादा छाप्लावा टोक्ङाङा
मोदा ङे लोइसुङ अङ सालाम ।
तरहरा, सुनसरि
(चोङ- टीका, छाप्लायुहान– ज्ञापनपत्र, बोब्बिभुङ– भूगोल)
बुङ्वाखा, इखिप १०४ दाङ्का
